URDAIBAIBADA NOR

Herri-Ekimen Legeztatzailea · 2026

URDAIBAIBADA NOR

Web-orria eraikitzen ari gara. Kontuan izan, hori bai, egun gutxi barru sinatzen hasi ahal izango dela. Jarrai gaitzazu sareetan.

Hasiera

Zer gertatzen da

Babestua, baina oraindik mehatxatua

1984an aitzindari izan zen. Baina gaur egun, babes tresnak eguneratu eta indartu behar ditugu bere altuera mantendu dezaten.

1.984

Biosferaren Erreserba

Urte horretan izendatu zuen UNESCOk Urdaibai Biosferaren Erreserba.

1.a

Munduan

Babesteko berariazko legedia izan zuen lehen Biosfera Erreserba.

10.000

Sinadura

ILPa Eusko Legebiltzarrean aurkezteko behar diren baliozko sinadurak.

4hilabete

Biltzeko epea

Ezinbestean beste 2 hilabetez luzatu daiteke epea.

Urdaibairi nortasun juridikoa eta eskubideen titulartasuna aitortzea.

Zer proposatzen dugu

Urdaibairi nortasun juridikoa eta eskubideen titulartasuna aitortzea.

Urdaibai ez da giza jabetza bat. Ekosistema bizia da, bere zikloekin, bere urekin, bere hegaztiekin. Lege honek berariaz aitortzen dio eskubideen subjektua izaten jarraitzeko, bere osotasunean babestua izateko eta kaltetua izan denean berreskuratua izateko.

Bost eskubide

  1. Ekosistema gisa existitzea

    Urdaibaiko padura Euskal Herriko hezegune nagusia da, eta NATURA 2000 sare ekologiko europarreko hegazti migratzaileen negualdi eta atseden eremu funtsezkoa. Ekosistema bizia den aldetik existitzen jarraitzea da lehen eskubidea: bere zikloekin, bere urekin eta bere bioaniztasunarekin.

  2. Osotasun ekologikoa

    Urdaibai sistema jarraitu bat da, non padura, artadiak, ibaiak eta itsasertza elkarri lotuta dauden. Osotasun ekologikoak bermatzen du prozesu natural horiek konektatuta eta zatikatu gabe egongo direla, estuarioaren orekari eutsiz.

  3. Arrisku-jardueren aurkako babesa

    Bere erakargarritasunak eta kokapen pribilegiatuak Urdaibai bere babesarekin bat ez datozen proiektuen menpe jar dezakete. Eskubide honek berariazko blokeoa ezartzen die estuarioaren oreka arriskuan jartzen duten jarduerei, kaltea konpondu beharrean aurrea hartuz.

  4. Kontserbazio aktiboa

    Ez da nahikoa kalterik ez egitea. Administrazioek ekosistema zaindu, behatu eta mantentzeko betebehar aktiboa dute, presio metatuei aurre egiteko eta haren iraupena bermatzeko neurri zehatzak aplikatuz.

  5. Berreskuratze integrala

    Urdaibaik kaltea jasaten duenean, oso-osorik konpondu behar da: ekologikoki, paisaiari dagokionez eta funtzionalki. Berreskuratze integralak zikloa ixten du eta edozein erasotik ekosistema egoera baliokide edo hobera itzultzera behartzen du.